Доколку меѓу западните земји и Русија избие „студена војна“ тоа би претставувало „апсолутна катастрофа“, изјави италијанскиот министер за надворешни работи Паоло Џентилони.
– Тоа би било целосна катастрофа. Се надевам дека од руска страна нема да има никакви активности кои ќе го оправдаат таквиот развој, истакна Џентилони, одговарајќи на прашањето дали постои опасност од нова Студена војна.
Според него, повеќето во меѓународната заедница во односот со Русија „се придржуваат кон пат со две насоки – санкции и дијалог, додека Италија упорно инсистира за дијалог“.
– Ризик постои. Ситуацијата во Украина треба да биде под контрола. Се плашам не само од ескалирање на конфликтот, туку и од сценарија на украинската криза од кои Русија би можела да има корист, нагласи шефот на италијанската дипломатија.