„Премиерот Никола Груевски и врхушката на власт го допреа дното обидувајќи се да ловат гласови за престојните парламентари избори, без трошка совест и срам за пустошот што го оставија во изминатите девет години во Источна Македонија.
Камен темелник за изградба на фекална канализација, двојно тениско игралиште, пуштање во употреба на пешачка патека, ова е уште една во низата срамни популистички агенди на премиерот Никола Груевски денеска во источниот дел на Македонија, во градовите Кочани, Виница и Берово.
ЛДП го прашува премиерот Груeвски, јавно да одговори колку жители од источниот дел на Македонија заминаа на печалба, колку куќи се затворија, колку семејства се разделија, откако тој и неговите бедни економски политики ги оставија жителите од овие краишта на работ на сиромаштијата, без егзистенција , а младите без перспектива.
Ќе може ли Груевски денеска да им се извини на беровчани, виничани и кочанчани за лагите, за неуспешните економски политики , за ветените нови фабрики, за странските инвестиции и за фамозните нови работни места.
Ниту едно ново ветување на Груевски не може да ги измие валканиците и фекалиите во кои тој е длабоко потонат по криминалите и алчноста за негово лично богатење на грбот на македонскиот народ“, се вели во соопштението на ЛДП.