Брегалница од Штип го совлада Работнички со 1:0, иако половина час играше со фудбалер помалку на теренот. Овој резултат претставува најголемо изненадување на стартот од новата сезона.
Стрелец на голот беше Дејан Митров. Тој во петтата минута од судиското продолжение успеа да погоди за три бода за штипскиот прволигаш и голема радост на стадионот. Претходно, во 60.минута, Никола Тонев беше исклучен заради два жолти картони.
Работнички, мечот го започна без дел од носителите на играта кои чувствувале замор по дуелите со Трабзонспор.