Ако сте љубители на мафини еве еден одличен рецепт за нивна подготовка …
Потребно е:
225 гр брашно
125 мл млеко
125 мл кефир или јогурт
1 јајце
1/2 лажиче шеќер
1/2 лажиче сол (или по вкус)
3-4 полни лажици исецкан свеж власец
150 гр кашкавал, изрендан
1 прашок за пециво
30 гр растопен путер
путер, за премачкување на калапот
Подготовка:
– Во еден сад ставете ги брашното, шеќерот, солта и прашокот за пециво и измешајте.
– Власецот измијте го, исушете и ситно исецкајте го.
– Кашкавалот изрендајте го на крупно ренде, а путерот растопете го.
– Во еден сад ставете ги млекото и кефирот (или јогуртот) и јајцето и изматете со вилушка.
– Во средината на брашното со рака направете дупка, и додадете ја смесата со млеко, кефир и јајце, растопениот путер и со дрвена лажица убаво измешајте. Додадете ги кашкавалот и власецот и повторно убаво измешајте.
– Калапот за мафини убаво подмачкајте го со путер, Во секое дупче од калапот сипете од смесата и тоа не до горе. Ставете ги да се печат во загреана рерна на 185 целзиусови степени 20-25 минути или додека благо не поруменат. По 20 минути проверете ги со чепкалка за заби дали се печени.
– Оставете ги малку да се изладат и послужете ги со со чаша јогурт или кефир.