Пакистански воен хеликоптер се урна денеска близу северниот округ Мансехра при што најверојатно сите 12 луѓе во него загинале.
Според полицијата досега е потврдена смртта на осуммина. Засега нема податоци дека несреќата е поврзана со акции на талибанските бунтовници.
Хеликоптерот летал од градот Равалпинди кон северниот регион Гилгит каде се регистрирани големи поплави.
Воени претставници не ја исклучуваат можноста хеликоптерот, кој пренесувал медицинска опрема, да се урнал поради лоши временски услови.