Ако сакате тесто и пецива задолжително направете ги овие тетовски ќаји …
Потребно е:
600 гр брашно + 50 гр за посипување на тестото
250 мл кефир
125 мл топла вода
1 лажиче шеќер
10 гр сув или 25 гр свеж квасец
3 лажици масло
1 лажиче сол (или по вкус)
за преливот:
4 јајца
100 гр фета сирење, издробено
125 мл кефир или течен јогурт
и уште:
100 мл масло
Подготовка:
– Во еден сад сипете млака вода, додадете шеќер, 1 лажица брашно и измешајте. Оставете го садот на топло за да стаса квасецот.
– Сипете го брашното во еден поголем сад и во средината направете дупка. Во неа ставете ги солта, кефирот, маслото и стасаниот квасец. Со рака замесете тесто.
– Тестото ставете го на набрашнета работна површина и продолжете со месењето. Ако има потреба додавајте уште брашно додека да добиете меко и мазно тесто кое не се лепи на рацете.
– Тестото обликувајте го во облик на топка, премачкајте го со масло и вратете го во садот. Покријте го со пластична фолија и ставете го на топло место за да нарасне.
– За тоа време подгответе го преливот. Со вилушка изматете ги јајцата, додадете го кефирот или течниот јогурт и издробеното сирење. Ако е многу густа смесата додадете уште малу вода. Убаво измешајте за да добиете хомогена смеса.
– Нараснатото тесто ставете го на набрашнетата работна површина и кинете делови со големина колку јајце, обликувајте ги како топчиња и ставете ги на работната површина.
– Тавата во која ќе ги печете ќајите (23х33 см) покријте ја со хартија за печење. Ќајите потопете ги во масло и редете ги во тавата една до друга со мало растојание помеѓу нив.
– Тавата покријте ја со пластична фолија и оставете ги малку да нараснат.
– Потоа тргнете ја фолијата и прелијте ги со подготвениот прелив. Повторно прекријте ја тавата со пластична фолија и оставете ги да нараснат уште 30-тина минути.
– Рерната загрејте ја на 180 целзиусови степени и во убаво загреаната рерна ставете ги да се печат ќајите додека да поруменат, околу 35 до 40 минути. Внимавајте да не изгорат.