„Ја читав вашата колумна во која јавно ме прашувате дали би им препорачала на родителите да ги вакцинираат своите деца во земјава и јавно сакам да ви одговорам – Мојот став по ова прашање секогаш бил и ќе биде дека децата мора да се имунизираат, затоа што како педијатар кој со години работи на Одделот за интензивна нега и терапија на Клиниката за Детски болести, сум била во можност за жал да ги гледам и да ги лекувам последиците од пропуштените имунизации и верувајте не било лесно, ниту за мене, ниту за родителите, а најмалку за децата.
Со согласувам делумно со вас и можеме да дебатираме за квалитетот на вакцините кои до сега се применуваа, но сакам да ве потсетам дека токму јас бев иницијатор и најголем поборник за воведување на поливалентните вакцини во календарот за имунизација. Со новите вакцини кои од август влегуваат во употреба го имаме истиот квалитет како и европските земји и САД.
И токму тоа беше она што помеѓу другото го зборував во утринската емисија која ја споменувате. Јас не сум пејач и небитно е дали ви се допаѓа мојот глас, не беше моја цел да ве одушевам со пеењето затоа што тоа не беше емисија по пеење, но но не заборавајте јас сум педијатар и тоа добар педијатар и секогаш стојам зад моите лекарски ставови. Право на тоа ми даваат сите мои пациенти кои ги лекував во мојата лекарска кариера“, се вели во одговорот на Др Аспазија Софијанова.