Водоснабдувањето во високите зони од Куманово е нормализирано последниве дванаесет часа. Граѓаните од кумановските населби „Карпош“, „Пчињски Пат“, „Перо Чичо“, „Тоде Мендол“ и село Черкезе, ги добиваат потребните колични вода и не се соочуваат со недостиг како од почетокот на неделава.
Директорот на ЈП „Водовод“ Горан Стојковски денеска информира дека до пладне целосно е нормалнизирано водоснабдувањето во градот.
– Добиваме 330 литри вода во секунда, која е доволна количина за нормално водоснабдување во летниот период. Останува апелот граѓаните рационално да ја користат водата во периодот што следи, со оглед на фактот дека ни престојат високи температури, изјави Стојковски.