Многу се интересни на изглед …
Потребно е:
500 гр пилешко бело месо
2 лажици црн соја сос
1 полна лажица мед
2 лажици маслиново масло
сок од 1 лимон
4 чешниња лук
1 китка свеж власец
1-2 гранчиња целер
1 гранче свежо оригано
малку свеж темјан
малку свеж рузмарин
сол, мелен бибер
1 тиквичка
чери домати
црвен кромид
маринирани шампињони
Подготовка:
– Пилешкото месо исечете го на мали коцки, како и тиквичките и црвениот кромид.
– Месото ставете го во длабока чинија и додадете ги соја сосот, медот, маслото, сокот од лимон, истолчениот лук и сецканите зачини. Додадете сол и бибер, по вкус, убаво измешајте и ставете да стои во фрижидер 30-тина минути за да се маринира месото.
– Потоа почнете да го редите месото и зеленчукот на стапчиња за ражњичи. Распоредот нека биде по желба, се додека не ги потрошите сите состојки.
– Печете ги на грил тава додека убаво не поруменат од сите страни.