Претседателите на САД и на Франција, Барак Обама и Франсоа Оланд синоќа телефонски разговараа за ситуацијата во Грција по неделниот референдум, соопшти Белата куќа.
Двајцата лидери се согласиле дека е неопходно да се бара излез од кризата. кој „ќе и дозволи на Грција да се врати кон политиката на реформи, воспоставување на економски раст и прифатливо ниво за еврозоната на задолженост“.
Обама и Оланд потенцирале дека „сите страни (во преговорите) треба да се согласат на нелесен компромис“.
Тие посочија и дека нивните економски советници остануваат во контакти и оти ја набљудуваат ситуацијата во Грција и на светските пазари.