Потребно е:
150-200 гр млади тиквички
150 гр кравјо сирење
200 гр тенки кори за пита
100 гр млад кромид
3 јајца
маслиново масло
сол, мелен црн бибер
Подготовка:
– На загреано масло пропржете го ситно сецканиот млад кромид и изренданата тиквичка, на крупно ренде. Пржете ги околу 5 минути додека не омекне тиквичката и не испари течноста што ќе ја пушти тиквичката. Тргнете ги на страна и додадете сол и бибер, по вкус. Оставете да се излади.
– Во калап за мафини наредете хартиени корпички за печење мафини.
– Во еден сад искршете ги јајцата и изматете ги со миксер.
– Корите замотајте ги како ролат, а потоа исечете ги на тенки ленти. Со раце истресете ги и одвоите ги за да не бидат залепени меѓу себе.
– Ставете ги исечените кори во разматените јајца. Потоа додадете го и изладениот зеленчук и издробеното сирење. Убаво измешајте и со оваа смеса полнете ги хартиените корпички за мафини.
– Ставете да се печат во загреана рерна на 200 целзиусови степени околу 30 минути.
– Печените питички оставете ги да се изладат и послужете ги.