За штипјани нема забрана за чување кучиња во згради, и тоа само по две и оние што лаат. Уставниот суд, по иницијатива на Здружението за заштита на животните „Анима мунди“, го укина членот 176 од Одлуката за комунален ред на Општина Штип.
Општината во Одлуката имаше пропишано дека во круг на едно домаќинство може да се чуваат до две кучиња, под услов да бидат регистрирани во надлежна ветеринарна институција и да бидат редовно вакцинирани.
Но беше забрането да се чуваат кучиња „со ќуд на постојано лаење и завивање“ и да се чуваат кучиња во згради
Во Одлуката се утврдуваше дека не е дозволено чување кучиња во згради и во нивните дворови, освен чување кучиња за кои сопственикот има прибавено писмено одобрение на куќниот совет на колективната станбена зграда.
