Во понудата на еден јапонски хотел од неодамна се најде и „соба за „плачење“, специјално наменета за понежниот пол.
Гостите на хотелот „Мицуи Гарден“ во Токио можат да ја изнајмат оваа соба за мирно плачење и ослободување од маките и насобраниот стрес.
„Собата за плачење“ е опремена со марамчиња, препарати за отстранување на шминката, маски за очи, како и избор на книги и филмови кои помагаат „за доаѓање на солзи“.
Ова не е единствен хотел во Јапонија кој нуди необични услуги. Хотелот „Соинеџу“, исто така во Токио, изнајмува „девојки за спиење“ (без секс), за оние кои се чувствуваат осамено или не можат да спијат сами.