Истражните и судските органи да спроведат постапка за расчистување на случајот во кој Зоран Заев, според вчера објавеното видео на Јутјуб, бара 200.000 евра мито за работа која по закон мора да ја заврши, бара ВМРО-ДПМНЕ.
– Бараме надлежните истражни органи, покрај овој еклатантен пример, да ги испита и сите други случаи кои се споменати во видеото. Бараме да се разгледаат купопродажбите, легализациите, урбанистичките планови за секое земјиште што се споменува во ова видео, без исклучок, соопшти денеска ВМРО-ДПМНЕ и повторно побара оставка од Заев.