Со двата натпревари кои ќе се играат вечерва, ќе започне деветото претпоследно коло во кошаркарската Супер лига.
Актуелниот шампион МЗТ Скопје Аеродром во дуелот против Карпош Соколи ќе се обиде со победа да го обезбеди првото место на табелата, а со тоа и најдобрата позиција во разигрувањето, односно плеј-офот.
Дуелот во СЦ Борис Трајковски ќе започне од 19 часот, термин во кој во Гевгелија ќе започне средбата меѓу Кожа и Феникс Индустри.
За утре закажан е натпреварот меѓу Куманово и Работнички, но засега од канцеларијата на Македонката кошаркарска федерација (МКФ) без информација по барањето на кумановци оваа средба да биде одложена.
Потсетување дека вчера Куманово по препораката на МВР, а поради актуелната безбедносна ситуација во овој град, побара од Македонија, претстојниот натпревар против Работнички да биде одложен.
Натпреварите од ова коло, евентуално следното последно ќе решат која екипа од која позиција ќе го започне разигрувањето, како и кои ќе бидат полуфиналните двојки.