СВР Скопје поднесена кривична пријава против Д.Т.(25), М.П.(22), А.Т.(21), К.Ј.(23) и Љ.Н.(20) сите од Скопје осомничени дека сториле кривично дело „насилство на спортски натпревар“.
Како што денеска соопшти МВР, на 31.01.2015 година во 20,10 часот пред почетокот на кошаркарскиот натпревар Меѓу „МЗТ“-Скопје и „Партизан“- Белград кој се одигра во спортскиот центар „Јане Сандански“ непосредно при влегувањето навивачи од навивачката група „Фемили“ започнале да фрлаат со тврди предмети и камења према навивачката група „Гробари’.
Тие се обиделе да го пробијат поставениот полициски кордон со што повредиле двајца полициски службеници, оштетиле едно полициско возило и искршиле едно прозорско стакло од СЦ „Јане Сандански“.