Жалам за изгубените животи и повредените лица, и длабоко сум загрижена поради напнатата политичка состојба, каде владејачката партија и опозицијата не можат да говорот на јазикот на разбирањето и соработката, порача словенечката европратеничка Тања Фајон, пренесе Макфакс.
Словенечките социјалдемократи со внимание ги следат случувањата во Македонија во последните неколку месеци, а последните инциденти и насилството кое во саботата започна во Куманово, град кој има традиција на етнички конфликти, продолжува и денес. Социјалдемократите се загрижени и ги повикуваат сите страни да се воздржат од насилство, порачува Фајон.
„Минатонеделните протести покажаа колку македонските граѓани се незадоволни, но сето она што сега се случува во кумановскиот регион е алармирачко. Важно е да се сопре насилството, да се спречи понатамошна ескалација на конфликтите и да останеме смирени и ладнокрвни. Ги повикувам и политичарите и цивилите да сорабуваат и да се воздржат од провокации и тензични состојба. Она што сега и треба на Македонија е повисоко ниво на политичка култура, искрен дијалог, повеќе толеранција и пред се чувствителност за сопствените граѓани. Политичките игри и интересите на политичките лидери не треба да ги надминуваат тие на нивните граѓани. Македонските граѓани не треба да станат жртви на политичките апетити“, изјави словенечката европратеничка.