Вината за политичката криза и застојот во евроинтеграциите, претседателот Ѓорѓе Иванов ја гледа во опозицијата.
Во интервју за Агенцијата „Анадолу”, Иванов вели дека опозицискиот блок се обидува со сила да дојде на власт, а тој како претседател не може да биде вклучен во решавањето на ситуацијата затоа што лидерот на СДСМ не сакал да стапне во неговиот кабинет.
За состојбата во која се наоѓа Македонија, Иванов освен опозицијата ги обвини ЕУ и НАТО за, како што рече, применување двојни стандарди.
„Странската служба” која, како што тврди владата, стои зад опозицијата во аферата „Прислушување“, Иванов вели дека ќе биде откриена во судскиот процес. Според шефот на државата решението може да дојде само низ дијалог, а не преку протести и улично насилство.