ВМРО-ДПМНЕ се заблагодари на денешната прес-конференција на СДСМ, затоа што, како што наведува во реакцијата, дури и со вакви монтирани и сечени материјали конечно се негиграат сите шпекулации, дезинформации и лаги кои што јавно или полујавно луѓе од СДСМ или нивни приврзаници ги ширеа дека власта учествувала во било каква смисла во трагичната несреќа во која загина Никола Младенов.
ВМРО-ДПМНЕ поддржува надлежните институции да спроведат нова истрага во случајот на трагичната смрт на новинарот Никола Младенов.
– Немаме никаква дилема дека во овој случај е постапено одговорно, но заради потребата од целосната доверба во постапките и институциите поддржуваме нова истрага, под надзор на новинарската фела преставувана од здруженијата, луѓе од семејството, со увид на експерти-како што и секогаш во изминатиот период се залагаме за правна разрешница, стои во реакцијата.