Европската комисија денеска соопшти дека ќе донира 16,6 милиони евра финансиска помош и три милиони евра хуманитарна помош за Непал, кој пред девет дена беше погоден од катастрофален земјотрес.
Главниот дел од помошта ќе биде испратен до крајот на оваа недела. Еврокомесарот за меѓународна соработка Невен Мимица објасни дека кога потребите на земјата ќе бидат поконкретни, ЕУ е подготвена да оцени со што уште може да помогне.
Еврокомесарот за хуманитарна помош Христос Стилианидис, кој неодамна го посети Непал, истакна дека одблизу се запознал со ситуацијата на населението. Тој ги поздрави спасувачките екипи за макотрпната работа при пронаоѓањето на преживеани лица. Според него, луѓето во Непал моментно имаат најголема потреба од обезбедување покрив над главата.