Стапката на сиромашни лица во Македонија во 2013. година изнесувала 24,2 отсто, објави Државниот завод за статистика, врз основа на податоците од Анкетата за приходи и услови за живеење која се спроведува во согласност со препораките на Европската унија.
Податоците покажуваат дека најголема е стапката на сиромаштијата кај домаќинствата составени од двајца возрасни со две издржувани деца во 2013 година и изнесува 24,8 проценти.
Според најфреквентниот статус на економска активност, стапката на сиромашни вработени лица е 11,1 проценти, додека стапката на сиромашни пензионери е 10,9 отсто.
Коефициентот Gini, односно мерката за нееднаквоста во распределбата на приходите изнесува 37 проценти.
Бројот на лица кои живеат под прагот на сиромаштијата во 2013 година изнесува 500.400.
Податоците покажуваат дека 40,3 отсто имале потешкотии со плаќање кредит или сметки за комуналии, 70,6 отсто не можеле да си овозможат да платат еднонедел одмор во текот на годината, 23,7 отсто да имаат автомобил…
Основа за пресметките на сиромаштијата се приходите, а прагот на сиромаштијата е дефиниран на 60 отсто од медијалниот еквивалентен приход.