Во изминатиот период од годинава во дебарско регистарани се помалку пожари спредено со лани овој период.
– Во овој период регистрирани се 25 пожари во објекти и технички средства, што значи над 20 отсто помалку, споредено со овој период лани. Не е регистриран ни еден пожар на отворен простор, што според наша оценка е резултат на влажното време многуте дождови и снег, вели Џетан Мифтароски, командир на Територијалната противпожарна единица.
Според него освен помалиот број пожари, споредено со лани и причинетата материјална штета е многу мала.
Дебарската единица освен на подрачјето на општина Дебар пожари гасне и на подрачјето на општина Центар Жупа, а по потреба интервенира и во реканскиот крај, општина Маврово Ростуше.
– Добро сме опремени, како со противпожарни возила така и со опрема, а имаме и петнаесет пожарникари кои се секогаш подготвени да одговорат на предизвикот наречен пожар, нагласува Мифтароски.
Во текот на 2014 година на територијата каде единицата интервенира, имало над 130 интервенции.