НСДП: Професионалните војници на АРМ изоставени од најавените покачувања на платите на безбедносните сили

Од:

„Изоставањето на професионалните војници на АРМ, како дел од безбедносните структури задолжени за чување на територијалниот интегритет и суверенитет на државата, од најавените покачувања на платите на безбедносните сили кои се дел од МВР, ја разјаснува намерата на премиерот Груевски да си „купи“ лојалност и поддршка во институциите со репресивен капацитет во моментите кога е соочен со длабоко поткопан легитимитет и во потрага на сила која ќе го брани режимот, а не територијалниот интегритет на државата.

Приоритетите и намерите на Груевски стануваат за НСДП уште појасни ако се знае дека една од најсилните светски економии, Германија, има 298 полицијаци на сто илјади жители, а Македонија 500 на истиот број жители, што зборува дека највеното покачување на платите не соодветствува со силината на македонската економија, туку на авторитарни и репресивни политички рефлекси кај владеачката елита, која не може да се помири со потребата за нејзино заминување од власта. Кон истите потези  прибегнуваше и Слободан Милошевиќ, полицијата му беше една од најсилните потпори во одбраната на својот режим, но сепак и таа не успеа да го спаси од заминувањето од  власта.

Во овој контекст на прибегнување кон зајакнување на репресивните елементи на системот во услови кога економијата е на колена, нужна реалност станува запоставувањето и девалвирањето на припадниците на АРМ. Нивното понижување оди до таа мерка што треба да се радуваат на донации од странска држава на униформи и обувки, а истовремено од буџетот да се одвојуваат средства за таинстевни и сомнителни набавки на скапа опрема за МВР.

Делигитимирањето и отсуството на демократски капацитети создаде ситуација во која одржувањето на државните капацитети за одбрана на територијалниот интегритет и суверинитет се поткопува на сметка на трошењето на огромни буџетски средва за зајакнување репресивната кондиција на полицијата“, се вели во соопштението на НСДП.

 

Би можело да ве интересира

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он