Градоначалникот на Општина Центар, Андреј Жерновски на протестот пред МТВ на сите им честиташе за издржливоста во битката за слободен и професионален Јавен сервис.
Овој период, рече, кога сме преокупирани со референдумот за ГТЦ, кој ќе се одржи идната недела, само една телевизија не дошла на ниту еден настан поврзан со референдумот иако е тоа нејзина законска обврска, а тоа е МТВ.
Тој потсети дека пред 14 години во времето на една сериозна криза, еден човек, говорел и се борел за слобода преку А1, тоа е одговорниот уредник на информативната програма, Горан Петрески.
Сега рече Жерновски тој одлучил да биде слуга на овој режим.
Жерновски го праша – Каде ќе оди по паѓањето на власта?
На вториот на кој што тогаш му било понудено да работи за власта, одлучил да работи за слободата, тоа е Генералот Ангелов.
„Нема амнестија за оние кои ја окупираа МТВ, за оние кои ја окупираа и украдоа државата. Сите заедно за слобода на МТВ, за слобода на Скопје и за слобода на Македонија“, беше јасната порака на Жерновски.