Рускиот претседател Владимир Путин ќе има средба денеска со палестинскиот лидер Махмуд Абас фокусирана на блискоисточните мировни преговори.
– Двајцата лидери ќе имаат разговори кои се однесуваат на клучни аспекти на руско-палестинските односи и нивната иднина, а посебно внимание ќе посветат на трговијата, економијата и хуманитарни сектори, се вели во соопштение од Кремљ.
Ќе бидат разменети идеи за проценка на израелско-палестинските преговори и други проблематични регионални ситуации.
Абас денеска ќе има средба и со рускиот премиер Дмитриј Медведев со кој ќе разговара за економски и инвестициски прашања. Се очекува потпишување на неколку меѓувладини договори за време на тридневната посета на Русија.