Грчката Влада треба да изврши големи реформи. и нема збор за напуштање на еврозоната, оцени францускиот премиер Мануел Валс.
– Напуштањето на Грција на еврозоната не е опција што се разгледува, изјави Валс. Тој додаде дека Франција од самиот почеток барала создавање услови за решение кое би било прифатливо за сите.
– За нас излегувањето на Грција од еврозоната не е опција што треба да се разгледува, оцени Валас кој ја почна официјалната посета на Португалија.
Според него, ставот на Франција не е променет.
– Мора да се земе предвид изборот на грчкиот народ, но постојат и институционални рамки и обврски што треба да се почитуваат. Времето изминува, грчката Влада ќе мора наскоро да плати големи рати од кредитот, нагласи Валс.
Тој напомена дека Владата во Атина треба да претстави програма со сериозни реформи за да добие финансиска помош.