Во пресрет на големиот христијански празник Велигден, синоќа во големата сала на центарот за култура „Антон Панов“ се одржа велигденски хуманитарен концерт, а во организација на Младинскиот совет и со поддршка на општина Струмица.
На концертот кој се одржа по петти пат настапија младите струмички таленти, а со своето присуство хуманоста ја потврдија поголем граѓани, меѓу кои и претседателот на Советот на општина Струмица, Јосиф Христов и членови на истиот.
Пред концертот, во фоајето на центарот, се одржа продажна изложба на цртежи и велигденски украси – дела на учениците од основните општински училишта кои ги изработија во текот на вчерашниот ден на плоштадот „Гоце Делчев“.
Сите средства собрани од продажната изложба и од продадените билети за концертот ќе бидат искористени за хуманитарни цели.
