Кошаркарите на Кливленд постигнаа убедлива победа во ноќешниот дуел од НБА лигата совладувајќи го Мајами со 114:88. Покрај поразот за Мајами сериозен проблем докрајот на сезоната може да претставува повредата на коленото на Двејн Вејд, кој се повреди во втората четвртина. Најефикасни на дуелот беа Леброн Џејмс и Кајри Ирвинг, кои постигнаа по 23 поени.
Важна победа во борба за второт место на „Запад“ постигна и Хјустон на гостувањето кај Далас 108:101 и сега има една победа повеќе од конкурентот Мемфис.
Најдобрата екипа во лигата Голден Стејт ја оствари 62.та победа откако минимално го победи Феникс со 107:106.
Пласман Источна конференција: Атланта 56-19 (победи-порази), Кливленд 49-27, Торонто 45-30, Чикаго 45-30, Вашингтон 42-33, Милвоки 37-38, Бруклин 34-40, Мајами 34-41, Бостон 34-41, Шарлот 32-42, Индијана 32-43, …
Пласман Западна конференција: Голден Стејт 62-13, Хјустон 52-24, Мемфис 51-24, Портланд 48-26, ЛА Клиперс 50-26, Сан Антонио 49-26, Далас 46-30, Оклахома Сити 42-33, Њу Орлеанс 40-34,…