Црвена фасада, бели столбови од гипс, таканаречени „барок“ елементи, алуминиумски прозорци. Сето ова е искомбинирано за преоблекување на зградата на Министерството за правда на кое сега е залепена и „златна“ Јустиција, божицата на правдата.
Изгледот на зградата наиде на потсмев на социјалните мрежи каде се наведува дека мора да запре ширењето на ваквиот кич и уништувањето на изгледот на градот со пластични реплики на објекти од пред неколку стотина години.Многумина коментираат дека зградата повеќе наликува на бордел, отколку на Министерство за правда.
Власта подолго време спроведува проект на преоблекување и изменување на сите објекти во централното грдско подрачје или пак на нивно затскривање со подигнување на нови објекти во „барок“ или „неокласицизам“ пред нив.
Ваква појава на реплики од минатото, а без никаква архитектонска вредност се забележани во некои делови на Кина.
ББС неодамна објави текст за кинеската верзија на Венеција, на белата куќа па и на Стоунхенџ.
Во последниве години и Македонија стана мета на критички тесктови на странските медиуми поради новиот изглед на главниот град, кој во неколку наврати беше наречен „Новиот Дизниленд“.