Управата за заштита на културното наследство во соработка со НУ Археолошки музеј на Македонија и фирмата „Геоархео“ од Хрватска, оваа недела (22-29 март) организира обука за користење високотехнолошки методи во архелогијата.
Обуката за работа со георадар, кој го поседува Управата, ја прават Горан Скелац, дипломиран археолог и Јурица Горичанец, инжeнер по електротехника од „Геоархео“, на археолошкиот локалитет Скупи.
Методите на истражувањата се археолошка геофизика, примена на георадар, теренски преглед и документирање. Теренскиот дел подразбира геофизичко снимање во висока резолуција а со цел картирање на подземните структури на локалитетот и нивна интерпретација.
Во рамки на обуката е направено и снимање на античкиот театар во Скупи со беспилотно летало од мала висина, со чија помош се добива снимка со високарезолуција од која се изработува орто фотографија и 3D модел на теренот.