Подгответе го овој декоративен солен ролат и спремно дочекајте ги гостите …
Потребно е:
за кората:
8 јајца
4 лажици мелени ореви
4 лажици сецкани ореви
2 лажици брашно
100 мл млеко
1 кесичка прашок за пециво
1/2 лажиче сол
за филот:
500 мл кисела павлака
300 гр фета сирење
100 гр рендана пршута (или шунка)
5 кисели краставички
1 лажица мајонез
оригано
магдонос
Подготовка:
– Прво подгответе ја кората. Изматете ги убаво белките во густ снег. Посебно изматете ги жолчките со млекото и додадете ги мелените и сецканите ореви, брашното, прашокот за пециво и сол. Измешајте за да се соединат сите состојки.
– Горната смеса додадете ја во снегот од белки и внимарелно измешајте. Добиената смеса сипете ја во намастена и со брашно посипана тава.
– Ставете да се пече во загреана рерна на 180 целзиусови степени околу 30 минути.
– Додека се пече кората преминете на подготовка на филот. Во еден сад ставете ги изренданата пршута (или шунка), издробеното фета сирење, ситно сецканите краставички, павлаката, мајонезот и зачините. Убаво измешајте.
– Изладената кора намачкајте ја рамномерно со филот и завиткајте ја како ролат. Ролатот одозгора намачкајте го со разматена павлака и украсете по желба.
– Пред да го послужите ставете го малку да стои во фрижидер за да се стегне.
– Исечете го на парчиња и послужете го.