30 години вкупно затворски казни се изречени за обвинетите во случајот „Музеј“.
За кражба на артефакти од Музејот на Македонија, највисока казна затвор од 8,8 години му е изречена на поранешниот директор на Музејот Перо Јосифовски. Златарот Часлав Кузмановиќ е осуден на казна затвор од 7,8 години, а програмскиот директор на Музејот е осуден на затвор од 6,8 години.
Ракувачот на депото на Музејот, Софка Кушовска Сафитли е осудена на 3 години затвор. Членот на комисијата за откуп на музејски материјал, Јован Кондијанов, доби 3 години затвор, а директорот на Музејот, Дарко Кржоски и членот на комисијата Андреј Ежов се осудени на по една година затвор.
Роднините на обвинетите беа револтирани од високите казни. Тврдат дека случајот е монтиран.
„Диктатори, за ова ќе одговарате, ќе паднете“, реагираат најблиските на обвинетите.