Црноморските членки на НАТО: Бугарија, Романија и Турција, со уште четири членки на Алијансата денеска почнаа воени вежби во Црно Море, од другата страна на анектираниот Крим, соопшти портпаролот на бугарската морнарица.
На воената вежба што за цел има брз поморски одговор во Црно Море под команда на американската флота и со учество на американскиот брод крстосувач „Вицксбург“, ќе се приклучат и бродови на други земји од НАТО.
Маневрите вклучуваат симулации на противвоздушни и напади со подморници, како и симулација на начинот на одбрана од напад со мали пловила, наведе портпаролот на бугарската морнарица.
Од почетокот на украинската криза, НАТО во источна Европа одржа серија воени вежби, пренесуваат британските медиуми.