Вицепремиерот Муса Џафери денеска истакна дека не е значајна содржината на разговорите од аудиоснимките што ги објавува лидерот на опозицијата, Зоран Заев, туку фактот како се одземени истите.
– Мојот одговор е дека не е важен разговорот или автентичноста на разговорот, колку што е значајно од каде се тие разговори и кој ги извадил тие и злоупотребил, ако можам така да кажам во овој момент – изјави Џафери.
Оваа изјава Џафери ја даде на новинарско прашање на прес-конференцијата каде презентираше тематски конгрес закажан на 28 и за 29 март во Скопје.
Извор: Мета
