Ставрески ја призна автентичноста на снимките, рече вечерва во емисија на Телма, лидерот на СДСМ Зоран Заев.
„Ставрески и Јанкулоска биле таргет на прислушкувањето. Пола Влада и дел од министрите од ДУИ биле таргет, но не и на пример Канчевска-Милевска, иако и таа била прислушкувана.
Од 1.500 разговори, едвај 5 ќе најдете каде Ставрески добро зборува за Груевски и за економските политики. Тој секојдневно се мачи да ја брани и фали економската политика на Владата. Се гледа по неговите реакции. Да видите како тој реагира на избори кога не се согласува со некои чекори“, вели Заев.
Лидерот на СДСМ посочи дека не сака да го амнестира Ставрески, бидејќи тој можел да си даде оставка, но него го селектирал, бидејќи смета дека имал совест.