Преку 80 крвни единици собрани се на денешната прва оваа година крводарителска акција која се одржа во просториите на СВР Куманово.
Виолета Богдановска од СВР Куманово, изразувајќи задоволство од одѕивот на оваа акција, потенцира дека нејзините колеги уште еднаш ја ја покажале својата хуманост.
Според доктор Лилјана Славковска секоја година во СВР Куманово се зголемува бројот на крводарителите.
СВР Куманово,традиционално организира три крводарителски акции во една година, во февруари, јуни и октомври. Крводарителските акции се реализираат согласно потпишаниот Меморандум за соработка помеѓу МВР и Институтот за трансфузиона медицина Скопје.Од општинската организација на Црвениот Крст, денешната акција ја оценуваат како успешна.
– Со СВР Куманово имаме одлична соработка и мислам дека со оваа акција постигнавме рекорд, рече секретарот на општинската организација,Иле Митковски.
Од Црвениот Крст Куманово посочуваат дека наредната акција е закажана веќе овој четврток, а ќе се одржи во гимназијата „Сами Фрашери“.