Работната група на Светската фудбалска асоцијација (ФИФА) денеска даде препорака Мундијалот 2022 во Катар да се игра во ноември и декември со скратен термин на одржување.
Претседателот на Азискиата фудбалска федерација Ибрахим Ал Калиф на новинарите во Доха им соопшти дека очекува оваа препорака да биде усвоена на состанокот на Извршниот одбор на ФИФА следениот месец во Цирих.
Според информациите од Доха, Светското првенство би можело да биде скратено за неколку дена, но форматот 32 репрезентации и 64 натпревари останува.
Доколку препораката на работната група се усвои, тоа би било во спротивност со предлогот на европските лиги кои повеќе сакаат Мундијалот да се одржи во периодот април-мај.