И денеска граѓаните ќе го изразат својот револт кој го предизвикаа сознанијата дека 20.000 граѓани се прислушувани, дека се договарани апсења, малтретирања, судски одлуки, избори , како што објави опозицијата презентирајќи аудио разговори.
Граѓаните се собираат преку социјалните мрежи, а протестот е во 16 часот пред Владата на Република Македонија.
На синоќешниот протест извикуваа „убијци“, „садисти“, „психопати“ . Истите напишани пораки ги ставија и на оградата пред Владата.
Зоран Заев, лидерот на СДСМ , вчера на прес конференција објави снимки од разговори на директорот на УБК Сашо Мијалков со уредникот на Сител, Драган Павловиќ Латас и сопственикот на Канал 5, Емил Стојменов и разговори меѓу министерката за внатрешни работи Гордана Јанкуловска со портпаролот на МВР Иво Котевски и шефот на Кабинет на премиерот Мартин Протоѓер.
Ова е, велат само дел од „бомбата“, која на народот ќе му покаже што се правела власта.