Милион и четиристотини илјади денари ќе одвои општина Куманово за одржување на семафорите на крстосниците во градот, информираа денеска надлежните од секторот за урбанизам од општина Куманово.
Помошникот раководител на секторот, Момчило Јовановски, информираше дека тендерската постапка е во завршна фаза, а согласно процедурата, објаснува, фирмата која што ќе биде задолжена за одржувањето на семафорите мора да поседува и резервни делови.
Според него, за еден месец се очекува и поставување на семафор на кростосницата на булеварот „Окотмвриска револуција“ и улицата „Пионерска“.
– Проектот вклучува подземна инфраструктура,деновиве поднесеме барање до ЕВН за одобрување на приклучок,бидејќи согласно новите мерки потребно е посебно броило, вели Јовановски и додаде дека вредноста на овој проект е 5,4 милиони денари.
