Советот за безбедност на ОН утре ќе се собере на вонредна седница во врска со кризата во Либија.
Седницата ќе се одржи во момент кога Каиро настојува Советот да преземе мерки откако џихадистичката група Исламска држава (ИД) објави видео снимка со обезглавувањето на 21 египатски христијани.
Египетскиот претседател Абдел Фатах ал Сиси денеска изјави дека формирање на коалиција под покровителство на ОН е најдобриот пат за ослободување на Либија од исламистичките екстремисти.
Шефот на египетската дипломатија Самех Шукри и пратеникот на ОН во Либија се очекува утре детално да го информираат Советот за безбедност за ситуацијата во земјата.