На денешен ден пред седумнаесет години беше извршен неуспешен атентат врз тогашниот претседател на Македонија, Киро Глигоров, кој се здоби со тешки телесни повреди.
Обидот да биде убиен Глигоров се случи пред хотел Бристол на 3-ти октомври 1995-та година, во 9 часот и 50 минути при вообичаеното упатување на Глигоров од резиденцијата кон Собранието.
На местото на атентатот загина возачот на Глигоров, Александар Спировски, а три лица беа повредени.
Мистеријата за атентатот врз Глигоров остана до денешен ден, а ниту нарачателите, ниту извршителите сѐ уште не се познати.
Истрагата која се води против непознат сторител се уште е отворена во полицијата.
Првиот претседател на независна Република Македонија, почина на 1. јануари 2012-та година на 94-годишна возраст во својот дом во Скопје.