Модната империја „Луј Витон“ по секоја цена сака да ја зачува ексклузивноста на своите модели, па така никогаш не организира распродажба, туку дизајнираните предмети кои не се продаваат кон крајот на годината, ги пали!
Експертите проценуваат дека околу 99 отсто од торбите на оваа марка кои ги гледаме на улица, всушност, се лажни.
Кога сакате да одржите репутација, да сте високо ценета модна куќа која продава многу скапи модели, некогаш преземате драстични мерки.
На пример, „Луј Витон“ е позната по тоа своите дизајнерски предмети и парчиња облека да не ги става на распродажба. За да избегне распродажба, на крајот на секоја година собира се што е останато во продавниците и ги пали тие работи.
Компанијата стара 158 години првпат е отворена во Париз. Тоа беше најголема продажна трговија во светот. Фирмата денеска ја сочинува цело царство на чанти, чевли, облека, накит.