Центарот на МЗТ Скопје Аеродром, Предраг Самарџиски се најде во најдобрата петорка на 21.коло од АБА лигата.
Тој синоќа во Ваљево, во поразот на МЗТ од Металац имаше ефект од 20 поени, исто толку скокови и две асистенции, доволно за 34 индексни поени.
Најкорисен кошаркар (МВП) во оваа рунда е Никола Јокиќ од таборот на Мега Визура со 37 индексни поени.
Самарџиски, освен што влезе воп ТОП 5, обезбеди место во историјата на АБА лигата. Со 20. скокови против Металац се најде на третото место на вечната листа на остварени скокови во еден натпревар.
На оваа листа водат Американецот Томи Смит (Сплит) и на Србинот Борис Савовиќ (Хемофарм), кои во 2003 односно 2011 година остварија по 23 скока на еден натпревар.