Државната изборна комисија вчера на свечена седница го одбележа Глобалниот ден на избори кој во целиот свет се одржува во првиот четврток од февруари.
На иницијативата за одбележување на овој ден, на седницата на ДИК говореше претседателот Никола Рилкоски.
Тој потсети дека во 2005 година експерти за избори од целиот свет учествуваа на Глобалната конференција на изборни органи во Унгарија и оттаму испратија важна порака за потребата од зацврстување на процесот на демократски развој низ светот имајќи предвид дека основниот столб на демократијата во секоја држава е одржувањето на слободни и фер избори.