Демократскиот Сојуз на Павле Трајанов ги повика Владата и Јавниот обвинител да го расчистат случајот со Александар Самарџиев и да утврдат одговорност кај медиумите поради ширење на лажни вести кои можат да имаат далекусежни последици.
„Последните години сведоци сме на масовно отворање на веб портали преку кои се објавуваат шпекулации, невистини и клеветнички содржини. Слична е состојбата и во некои од електронските и печатените медиуми. Демократскиот сојуз се залага за слобода на изразувањето, како темел на слободата на говорот и слободата на печатот, за вистината, како цивилизациска и демократска вредност, и за одговорноста, која ги гарантира слободата на изразувањето и вистината. Демократскиот сојуз сака да предложи промени (амандмани), доколку од новинарската фела добие конкретни и образложени предлози“, пишува во соопштението од партијата.