Поплави и во Охрид, се обезбедуваат дополнителни пумпи за отстранување на водата

Како во многу делови на Република Македонија, и во Охрид денеска делови од градот беа поплавени. Најзагрозени беа жителите на населбите Воска и Даљан, посебно оние околу реката Сатеска.

Следете a1on на Instagram

На улиците „Сатеска“, „Дејан Војвода“ и „Стив Наумов“ во населбата Даљан, како и на улицата „Аџи Мустфа“ во населбата Воска домовите на повеќе жители беа поплавени, а Кризниот штаб заедно со градоначалникот Бакрачески правеа увид во штетите нанесени од невремето.

Стручни екипи на Општина Охрид деновиве будно ќе ја следат состојбата со поплавите, а ќе бидат обезбедени дополнителни пумпи со цел почесто да се излева навлезената вода во домовите на граѓаните.

Следете a1on на Youtube

Инаку, вчера во вечерните часови, неколку охридски села повторно останаа без напојување со електрична енергија откако имаше обилни врнежи на снег во овој регион.