Општинскиот кризен штаб на Куманово соопшти дека утврдени се критичните точки на кои треба особено да се внимава при поплавите кои се очекуваат наредните денови.
Според општинскиот штаб критични точки се реката Липковка, селото Режановце, расадникот на ЈП „Македонски Шуми“ до железничкиот мост.
Во официјалното соопштение на штабот се вели дека реката Кумановка е критична кај локалитетот „Водовод“ и кај локацијата „Митев Мост“, додека Крива Река е критична кај селата Довезенце и Јачинце.
Од општинскиот кризен штаб информираат дека досега поставени се триста вреќи со песок на улицата „Никола Тесла“ на две локации, додека во село Довезнце се прават насипи и се продлабочува коритото во село Пелинце.
Екипите, соопштија од штабот ќе работат интензивно и во наредните денови.