Кошарите на Кожув со максимален учинок од осум победи во исто толку одиграни натпревар, ја завршија првата фаза во регионалната Балканска лига (БИБЛ).
На средбата од 10. коло од Б групата, во Гевгелија, Кожув очекувано и убедливо со 99:59 ја победи албанската екипа Влазнија од Скадар.
Во редовите на гевгеличани најефикасен беше Милан Јањушевиќ кој постигна 15 поени, додека Алексеј Нешовиќ беше стрелец на 13.
Кожув е единствената екипа во БИБЛ лигата која нема пораз, а заедно со Крајова, Морнар и Сигал од Б групата, како и Куманово, Пеќ, Сутјеска и Рилски спортист од А групата, се пласира во втората фаза на БИБЛ лигата.
Во новоформираната заедничка група, ќе се играат нови 8. коло, по два натпревари (дома-гости), и тоа, екипите од А против екипите од Б групата. Натпреварите ќе започнат веќе следната седмица односно на 3 и 4 февруари.