УЈП: Пресметките за хонорарите ќе ги објавиме до крајот на неделата

Од:

До крајот на оваа недела, Управата за јавни приходи ќе ги објави насоките со кои ќе се знае како ќе се вршат пресметките за исплаќање надомест за хонорарите поголеми од 9.590 денари.

Како што објави „Мета“, испративме прашања до Министерството за труд и социјална политика за тоа дали навистина има известување во кое се бара да не исплаќаат хонорари поголеми од 9.590 денари сè додека на интернет-страницата на ПИОМ не биде објавено известување за тоа како ќе се вршат пресметките.

Само кусо ни одговорија: „имате погрешна информација“.

Телефонски побаравме објаснување за тоа која информација ни е погрешна и добивме одговор дека немало никакви известувања од ПИОМ, но на прашањето дали реалната ситуација е таква и дали навистина ќе доцнат хонорарите, портпаролот Маријан Гиовски ни кажа дека е „во гужва“ и дека „ќе нè бара подоцна“. Одговор сè уште немаме.

Од ПИОМ, пак, ни одговорија дека треба да се обратиме во УЈП, од каде ни рекоа дека до крајот на неделава ќе бидат објавени насоките.

Би можело да ве интересира

УЈП очекува детали од Министерството за финансии за најавеното намалување на даноци

Констатирани неправилности кај шест даночни обврзници во општина Виница

ВМРО-ДПМНЕ: Парите што се краделе од СДС и ДУИ сега завршуваат во буџетот

Петрова ја презеде директорската функција во УЈП

Елена Петрова нов директор на УЈП, Бобан Николовски на Царинската управа

УЈП ја објави новата листа на должници: 1801 фирма и 3606 граѓани должат 160 милиони евра

A1on