МВР се огласи со соопштение за синоќешното апсење на поранешниот директор на ДБК, Зоран Верушевски.
Верушевски пред полноќ беше приведен од неговиот дом и однесен пред истражен судија. Сето ова се одвиваше пред телевизиски камери.
МВР го товари за две кривични дела – „Неовластено изработување, држење, посредување и тргување со оружје или распрскувачки материјали казниво и „Прикажување порнографски материјал на дете“.
Како што соопшти МВР, при претресот во неговиот дом биле најдени два пиштола (Бровинг-Херстол калибар 9мм и Црвена застава М 70, калибар 7,65 мм), за кои во моментот на претресот и одземањето на оружјето не била најдена дозвола за легално поседување. Покрај претресот, постапено е и по наредба за одземање компјутерски систем и нивна анализа.
– При првичните дигитално-форензички испитувања, утврдени се обележја за сторено кривично дело „Прикажување порнографски материјал на дете“, за што веднеш писмено е известен и надлежниот Јавен обвинител. Дигатално форензичката анализа на одземените материјали ќе продолжи во текот на наредните денови, информира МВР.